圣诞食乜好
人多必食Party寿司set 首选「大满足寿司盛」
个人觉得最吸引一定係「大满足寿司盛」，一盘40件，有晒三文鱼腩、油甘鱼、螺片、三文鱼、赤海虾、帆立贝、长鳍吞拿鱼同蒲卷鳗鱼，斋听都feel到有几丰富。每款有5件，人人都食到心头好。20/12前落单，有9折，如果搵埋元気会员帮手最平可获8折，悭足$85！计番会员价，当5个人食，最平每人除返都係六、七十蚊，就有8件，係咪好介绍先？
寿司如其名，大满足呀！
（原价 $425，20/12或之前订购，元気会员 $340、一般客户 $382.5）
帆立贝够大只又厚身，胀卜卜，好肥美吧！
有三文鱼及三文鱼腩两款，后者一定係必抢之选，入口鱼油甘香，正！
再度发育男生 啱食「经典寿司卷物盛」
大堆人开Party预食物份量好紧要，女仔为主，胃口细，就可以食得精緻点，来个「极上刺身盛」就最好。二百零蚊，食到6款刺身，浅尝最滋味，又唔怕太饱！相反如果男生多，仲要係第七期再度发育嗰款，就最好点「经典寿司卷物盛」喇！单是好有份量的三文鱼加州卷都有8大件，仲有三文鱼、熟带子、北寄贝、蒲烧鳗鱼、玉子咁，夹埋成32件，会员订嘅话最平$217.6有交易，每件都係$6.8，抵食兼饱肚。
大大盘，32件，会员价都只係六、七蚊件，男生们尽情食吧！
（原价 $272，20/12或之前订购，元気会员 $217.6、一般客户 $244.8）
三文鱼加州卷份量十足：玉子、蟹柳、青瓜、蟹子、三文鱼，一啖食唔晒喎！
经典嘅北寄贝寿司，色泽鲜明，望见就想食。
怕闷要试 「派对卷物盛」
元気係特别多招牌寿司卷物的，我次次去都会食元気卷。今次见佢哋嘅「派对卷物盛」不但有元気卷，仲有芝士鳗鱼卷，听个名已经估到入口好creamy。另外仲有香甜鳗鱼，同好香口嘅炸虾卷！如果Party中有小朋友，更加要叫呢个set，因为有佢哋啱食嘅蟹柳卷同青瓜卷，咁就大人细蚊仔都可以齐齐歎喇！
包含多款招牌卷物嘅「派对卷物盛」都係二百零蚊就有50件，大人小朋友都啱食。
（原价 $272，20/12或之前订购，元気会员 $217.6、一般客户$244.8）
香甜鳗鱼、creamy芝士同青脆青瓜，配搭极好。
用三文鱼捲住三文鱼皮同青瓜嘅元気卷，係好多人去元気开餐必食嘅招牌卷物。
蕨饼！蕨饼！蕨饼！ 重要的事要讲3次
无论订边款，有两件事一定要记住。第一，记得要喺20/12前网上落单，就有9折优惠；如果係元気会员，就有8折！第二件事，记得上网订购拣优惠组合就等如加$88有埋「京宇治抹茶蕨饼」，每客有15件，咬开软腍腍，仲有黑糖馅，甜而不腻，女仔最like。
香甜而不腻嘅「京宇治抹茶蕨饼」，软腍腍，仲有黑糖馅，女生一定喜欢。
元気寿司
预订网址